संत बुवाजी बुवा संजीवन समाधी स्मृती सोहळा संपन्न

 संत बुवाजी बुवा संजीवन समाधी स्मृती सोहळा  संपन्न

 

             

         नगर- अरणगाव येथे सद्गुगुरु बुवाजी बुवा महाराजांची संजीवन समाधी मंदिर आहे येथे स्वतःमहाराजांनी विठ्ठल रुक्मिणी मूर्ती स्थापन केलेली आहे.  व अशी आख्यायिका आहे की बुवाजी बुवा महाराजांना स्वतः साक्षात भगवान विठ्ठल रुक्मिणी यांनी आषाढ शुद्ध द्वादशी येथे उपवास सोडायला येण्याचे वचन दिलेले आहे म्हणून हे तीर्थक्षेत्र महान आहे.

 

                संत बुवाजीबुवा महाराज यांच्या संजीवन समाधी स्मृती सोहळा  आहे.त्यापित्यर्थ अखंड हरिनाम सप्ताह व ज्ञानेश्वरी पारायण सोहळा संपन्न झाला . पहाटे ५ वा.अभिषेक व समाधीची महापुजा व सकाळी १० ते १२ या वेळेत जंगले महाराज शास्त्री   यांचे काल्याचे किर्तन त्यानंतर महाप्रसादाचा कार्यक्रम झाला.

 

 यावेळी जग्गनाथ देवकर यांनी आपली पत्नी कै शारदा देवकर यांच्या स्मरणार्थ देवस्थानाला लाकडी रथासाठी ७ लाख रु देणगी देणगी दिली त्याचा सन्मान राणीताई लंके यांच्या हस्ते करण्यात आला , रात्री उशिरापर्यंत भाविक दर्शनाला येत होते.

 

             श्री बुवाजी महाराज यांचे समाधी मंदिर  हे  शिवकालीन जुन्या कलेतील बांधकाम असणारे आहे,बुवाजी बुवा यांनी संसार सोडून श्रीक्षेत्र वणी येथे सप्तशृंगी देवीचे 21 दिवस उपासना केली,देवीने दृष्टांत देऊन त्यांना १२ वर्षे  भगवत गीताचे पारायण व गुंडेगाव येथील शिवार तळे येथील वनामध्ये १२ वर्षाची साधना करायचे सुचवले 

त्याप्रमाणे महाराज या भागात आले तिथे त्यांनी आपला नित्य नेमाने  बारा वर्षे साधना केली तेथील महादेव मंदिर व डोंगरावरील खंडोबा मंदिर यांची  दर्शन,पूजा नित्यनेमाने करत असत व गीतेचे पारायण बारा त्यांनी वर्षे केले . दरवर्षी ग्रामस्थ मोठ्या उत्साहात हा सोहळा साजरा करतात