Shrirampur News | श्रीरामपूर विधानसभा निवडणूक काँग्रेसने दिली हेमंत ओगले यांना संधी

  Shrirampur News | श्रीरामपूर विधानसभा निवडणूक काँग्रेसने दिली हेमंत ओगले यांना संधी 

श्रीरामपुर । 

महाराष्ट्र विधानसभा निवडणुकीसाठी काँग्रेस पक्षाने  दुसरी उमेदवार यादी जाहीर केली आहे.काँग्रेसने यापूर्वी पहिल्या यादीतून 48 उमेदवार जाहीर केले होते. त्यानंतर आज (दि.26) दुसरी उमेदवार यादी जाहीर करण्यात आली आहे. दरम्यान, महाविकास आघाडीमधील तिन्ही पक्षांमध्ये 90-90-90 असा फॉर्म्युला ठरला

 असल्याची माहिती माजी मंत्री आणि काँग्रेस नेते बाळासाहेब थोरात यांनी दिली होती. त्याप्रमाणे उमेदवार यादी जाहीर करण्यात आली असून काँग्रेस पक्षाच्या दुसऱ्या यादीत हेमंत ओगले यांना संधी देण्यात आली आहे.

दरम्यान, नगर जिल्ह्यातील १२ मतदार संघातील राखीव असलेला श्रीरामपूर विधानसभा मतदारसंघ चर्चेत आहे. श्रीरामपूर विधानसभा मतदारसंघातून महायुती आणि महाविकास आघाडीकडून अनेक जण इच्छुक होते. 

काँग्रेस पक्षात अंतर्गतच दोन गट झाल्याचं दिसुन येत होत. काँग्रेसचे माजी आमदार राहीलेले दिवंगत जयंत ससाणे 

यांचे पुत्र आणि श्रीरामपूर नगरपालिकेचे माजी उपनगराध्यक्ष राहिलेले करण ससाणे यांनी कालच बुथ 

प्रमुख प्रशिक्षण शिबिरात राज्यातील प्रमुख पक्षानी श्रीरामपूर विधानसभेच्या केलेल्या सर्वेमध्ये श्रीरामपूरची 

जागा आपल्याच गटाला मिळणार असून कार्यकत्यांनी काळजी करु नये असे सांगितले होते.

 दरम्यान आज जाहीर झालेल्या काँग्रेस पक्षाच्या दुसऱ्या यादीत हेमंत ओगले यांना संधी देण्यात आली आहे.

काँग्रेसच्या 23 उमेदवारांची दुसरी यादी जाहिर

भुसावळ – राजेश मानवतकर

जळगाव – स्वाती वाकेकर

अकोट – महेश गणगणे

वर्धा – शेखऱ शेंडे

सावनेर – अनुजा केदार

नागपूर दक्षिण – गिरिश पांडव

श्रीरामपूर : हेमंत ओगले

कामठी – सुरेश भोयर

भंडारा – पूजा ठवकर

अर्जुनी मोरगाव – दिलिप बनसोड

आमगाव – राजकुमार पुरम

राळेगाव – वसंत पुरके

यवतमाळ – अनिल मांगुलकर

आर्णी – जितेंद्र मोघे

उमरखेड – साहेबराव कांबळे

जालना – कैलास गोरंट्याल

औरंगाबाद पूर्व : मधुकर देशमुख

वसई : विजय पाटील

कांदिवली पूर्व -:काळू बधेलिया

चारकोप – यशवंत सिंग

सायन कोळिवाडा : गणेश यादव

निलंगा : अभय कुमार साळुंखे

शिरोळ : गणपतराव पाटील

सौजन्य साभार साम tv