Bolhegao | बोल्हेगाव येथील कॉंक्रिटीकरण काम लोकार्पण सोहळा आमदार संग्राम जगताप यांच्या हस्ते संपन्न
अहमदनगर । दर्शक :
बोल्हेगाव येथील छत्रपती संभाजीनगर परिसरात माजी सभापती कुमारसिंह वाकळे यांच्या प्रयत्नातून पूर्ण झालेल्या अंतर्गत रस्ते कॉंक्रिटीकरण कामाचा लोकार्पण सोहळा आमदार संग्राम जगताप यांच्या हस्ते संपन्न झाला.
अनेक वर्षांपासून प्रलंबित असलेला रस्त्याचा प्रश्न मार्गी लागल्यामुळे परिसरातील ग्रामस्थांच्या वतीने आपल्या घरासमोर रांगोळी काढून विकास कामाचे स्वागत करण्यात आले, तसेच नागरिकांनी यावेळी भरपावसात फुलांचा वर्षाव करत आभार मानले.
मूलभूत सुविधांच्या अभावामुळे बोल्हेगाव नागापूर परिसर हा पूर्वी ग्रामीण भाग म्हणून ओळखला जात असे. जवळच एमआयडीसी असल्यामुळे या परिसरात कामगार वर्ग मोठ्या प्रमाणात वास्तव्य करत आहे. त्यांना विकासाच्या सुविधा उपलब्ध करून देण्यासाठी माजी सभापती कुमारसिंह वाकळे यांनी पाठपुरावा सुरू केला, त्यातूनच नागरिकांना विश्वासात घेऊन नियोजनबद्ध, दर्जेदार व कायमस्वरूपीची कामे मार्गी लावली आहेत. विकासकामातून त्यांनी नागरिकांचा विश्वास संपादित केला आहे. आज हा भाग नव्याने विकसित होत असून शहरीकरणाचे रूप प्राप्त झाले आहे. आम्ही सर्वांनी शहरात चांगले काम उभे केले असल्यामुळेच नागरिक आज समाधान व्यक्त करीत आहेत, जागोजागी स्वागत करत आहेत. दर्जेदार रस्त्यांचे जाळे उभे राहत असल्यामुळे दळणवळणाचा प्रश्न मार्गी लागेल व नागरिकांचा प्रवास सुखकर होईल.
यावेळी मनपा माजी सभापती कुमारसिंह वाकळे, रमेश वाकळे, ज्ञानदेव कपडे, दशरथ वाकळे, हबीब शेख, सुनील भालेराव, अजय जगदाळे, सचिन कांबळे, मुनीर शेख, दत्तात्रय ढाकणे, बद्रीनाथ उपळे, अशोक पावले, जालिंदर कवडे, कैलास पवार, चांद शेख, गणेश पाटील, नारायण सरदार, गोरक्षनाथ दरेकर, अजय पाठक, विलास जाधव, विद्या आदमीले, अमृता कारकुंड, मनीषा नाईक, अनिता महाजन, सुनिता साळी, सुरेखा आढाव, किसन भिंगारदिवे आदी उपस्थित होते
0 टिप्पण्या
For All Your Feedback and Complain please Mail and Contact us - at darshaknews81@gmail.com