पुणे क्राईम : पुण्यात धक्कादायक प्रकार – भांडण थांबवायला गेलेल्या घरमालकाला मारहाण

 पुणे क्राईम : पुण्यात धक्कादायक प्रकार – भांडण थांबवायला गेलेल्या घरमालकाला मारहाण

पुणे : 

महर्षीनगरमध्ये घडलेल्या एका धक्कादायक घटनेत भांडण सोडवायला गेलेल्या घरमालकाला तिघांनी मिळून बेदम मारहाण केली आहे. या मारहाणीमुळे घरमालक जखमी झाला असून स्वारगेट पोलिस ठाण्यात तिघांविरुद्ध गुन्हा दाखल करण्यात आला आहे.

👤 फिर्यादी आणि आरोपींची माहिती 

फिर्यादी अजिंक्य शिवाजी बेंगळे (वय ३२, रा. महर्षीनगर) यांनी पोलिसांकडे फिर्याद दिली आहे. या प्रकरणात समाधान दिगंबर पाटील (३५), मनोज पाटील (३५, रा. बॉईज हॉस्टेल, महर्षीनगर) आणि त्यांच्या एका साथीदारावर गुन्हा दाखल झाला आहे.

⚡ घटना कशी घडली? 

१८ सप्टेंबर रोजी रात्री साडेअकरा वाजता महर्षीनगरमधील बालाजी बॉईज हॉस्टेलमध्ये हा प्रकार घडला. तळमजल्यावर राहणारे कंपनीचे वाहनचालक समाधान पाटील, मनोज पाटील आणि त्यांचा एक साथीदार यांच्यात जोरदार भांडण सुरू होते. हा गोंधळ पाहून घरमालक अजिंक्य बेंगळे यांनी त्यांना शांत करण्याचा प्रयत्न केला. परंतु आरोपींनी “आमच्या भांडणात तू कोण मध्ये बोलणारा?” असे म्हणत बेंगळे यांच्यावर हल्ला केला.

👊 बेदम मारहाण 

जखमी समाधान पाटील यांनी बेंगळे यांच्या डोळ्यावर बुक्की मारली, तर साथीदाराने लॅपटॉप चार्जर फिरवून चेहऱ्यावर प्रहार केला. आरोपींनी त्यांना खाली पाडून लाथाबुक्क्यांनी मारहाण केली. त्यांना वाचविण्यासाठी मित्र संग्राम शिंदे आणि आकाश बेगळे यांनी प्रयत्न केला असता त्यांनाही आरोपींनी मारहाण केली.

🏥 उपचार आणि गुन्हा दाखल

 जखमी अजिंक्य बेंगळे यांनी ससून रुग्णालयात उपचार घेतले. प्रकृती ठिक झाल्यावर त्यांनी पोलिसांत तक्रार दाखल केली. या प्रकरणाचा तपास पोलीस उपनिरीक्षक स्मिता पाटील करत आहेत.