NPWA Award | विखे पाटील फार्मसी च्या डॉ सावंत याना एनपीडब्लूए आयडॉल अवॉर्ड २०२६ प्राप्त

  NPWA Award | विखे पाटील फार्मसीच्या डॉ.सावंत याना एनपीडब्लूए आयडॉल अवॉर्ड २०२६ प्राप्त

 NPWA Award | नगर : दर्शक । १६ सप्टेंबर २०२६।    नगर येथील डॉ विखे पाटील फार्मसी कॉलेजचे उपप्राचार्य तथा वरिष्ठ प्राध्यापक याना नॅशनल फार्मसी वेलफेअर असोसिएशन (NPWA), इंडिया यांच्या फार्माउत्सव, २०२६ निमित्त फार्मसी शिक्षण व संशोधन क्षेत्रातील उत्कृष्ठ योगदान आणि समर्पित सेवेबद्दल मा.हर्षवर्धन पाटील, मा.मंत्री यांच्या हस्ते पुणे येथे NPWA आयडॉल अवॉर्ड २०२६ प्रदान करण्यात आला. 

त्यांनी फार्मसी शिक्षण आणि फार्मसी व्यवसाय क्षेत्रातील आपल्या उत्कृष्ट योगदान आणि समर्पित सेवेबद्दल *NPWA आयडॉल अवॉर्ड २०२६* या प्रतिष्ठित पुरस्कार देण्यात आला आहे उप-प्राचार्य म्हणून  नेतृत्व, तसेच शैक्षणिक उत्कृष्टता, विद्यार्थी विकास, व्यावसायिक प्रगती, संशोधन आणि फार्मसी शिक्षणाच्या वाढीसाठी दिलेले आपले मोलाचे योगदान, याचे फार्मसी क्षेत्रात खूप कौतुक झाले आहे.हा पुरस्कार फार्मसी व्यवसाय आणि समाजाच्या विकासासाठी उल्लेखनीय आणि प्रेरणादायी योगदान देणाऱ्या प्रतिष्ठित व्यक्तींचा सन्मान करण्यासाठी स्थापन करण्यात आला आहे.

        डॉ सावंत सावित्रीबाई फुले पुणे विद्यापीठाच्या 'संशोधन आणि मान्यता समिती', 'फार्मास्युटिकल केमिस्ट्री बोर्ड ऑफ स्टडीज' आणि 'विज्ञान व तंत्रज्ञान विद्याशाखा' यांचे सदस्य म्हणून कार्यरत आहेत. तसेच, ते 'डॉ. डी. वाय. पाटील ज्ञान प्रसार विद्यापीठ, पुणे' आणि 'पीईएस (PES) चे मॉडर्न कॉलेज ऑफ फार्मसी, निगडी, पुणे (स्वायत्त)' येथील 'बोर्ड ऑफ स्टडीज'चे सदस्य आहेत.

 डॉ. सावंत विभाग प्रमुख, संचालक (अंतर्गत गुणवत्ता हमी कक्ष/IQAC), समन्वयक (NAAC सुकाणू समिती), विद्यार्थी विकास अधिकारी, महाविद्यालय विकास समितीचे सदस्य, शैक्षणिक व संशोधन समन्वयक, सदस्य-सचिव (संस्थात्मक प्राणी नैतिकता समिती/IAEC) आणि अध्यक्ष (संशोधन व पेटंट कक्ष) या भूमिकांमधून आपली प्रशासकीय कौशल्ये सिद्ध केली आहेत. डॉ. सावंत यांच्याकडे ३० वर्षांचा प्रदीर्घ अनुभव असून त्यांनी आपल्या कारकिर्दीची सुरुवात औषधनिर्माण उद्योगातील संशोधन आणि विकास विभागात कनिष्ठ अधिकारी म्हणून केली. 

            अध्यापन आणि संशोधनातील अनुभव समृद्ध करण्याची प्रत्येक संधी त्यांनी साधली आहे. त्यांच्या नावावर सध्या १०७ शोधनिबंध (चांगल्या 'क्युम्युलेटिव्ह इम्पॅक्ट फॅक्टर'सह), अनेक राष्ट्रीय व आंतरराष्ट्रीय सादरीकरणे, तसेच १० पेटंट्स, ५ पुस्तके आणि एका पुस्तकातील प्रकरणाचे लेखन जमा आहे. 

ते विविध राष्ट्रीय आणि आंतरराष्ट्रीय वैज्ञानिक जर्नल्ससाठी (जे 'पीअर-रिव्ह्यू' पद्धतीचे आहेत) समीक्षक म्हणूनही काम करतात. डॉ सावंत हे एम. फार्म. आणि पीएच.डी. संशोधकांसाठी मान्यताप्राप्त मार्गदर्शक आहेत. त्यांनी १११ एम. फार्म. आणि ७ पीएच.डी. विद्यार्थ्यांना मार्गदर्शन केले आहे, तर ६ संशोधक त्यांच्या मार्गदर्शनाखाली पीएच.डी. करत आहेत. डॉ. सावंत यांनी ICMR (नवी दिल्ली), AICTE (नवी दिल्ली) आणि सावित्रीबाई फुले पुणे विद्यापीठ (पुणे) यांसारख्या विविध संस्थांकडून अर्थसहाय्य प्राप्त झालेले, एक कोटी रुपयांहून अधिक मूल्याचे संशोधन प्रकल्प हाताळले आहेत.

           डॉ सावंत यांना सावित्रीबाई फुले पुणे विद्यापीठाचा 'सर्वोत्कृष्ट शिक्षक पुरस्कार-२०१८', वैज्ञानिक उत्कृष्टतेसाठी राष्ट्रीय स्तरावरील 'डॉ. ए.पी.जे. अब्दुल कलाम पुरस्कार-२०१८', ८ व्या विज्ञान आणि तंत्रज्ञान पुरस्कार-२०१९ अंतर्गत राष्ट्रीय स्तरावरील 'सर्वोत्कृष्ट संशोधक पुरस्कार', ३ ऱ्या जागतिक कर्करोग परिषदेत आंतरराष्ट्रीय स्तरावरील 'रेनाटो डल्बेको मेमोरियल अवॉर्ड-२०१९', ५ सप्टेंबर २०२० रोजी आंतरराष्ट्रीय स्तरावरील 'डििस्टिंग्विश्ड प्रोफेसर अवॉर्ड' (प्रतिष्ठित प्राध्यापक पुरस्कार), तसेच अलीकडेच २८ डिसेंबर २०२१ रोजी 'STAIR अवॉर्ड्स' दरम्यान फार्मसी क्षेत्रातील आंतरराष्ट्रीय स्तरावरील 'डििस्टिंग्विश्ड प्रोफेसर अवॉर्ड' आणि २०२४ मध्ये राष्ट्रीय स्तरावरील 'APTI फेलोशिप अवॉर्ड' असे विविध पुरस्कार मिळाले आहेत. 

             डॉ सावंत यांच्या या उल्लेखनीय यशाबद्दल संस्थेचे अध्यक्ष डॉ राधाकृष्ण विखे पाटील, मंत्री, जलसंपदा विभाग, महाराष्ट्र राज्य तथा पालकमंत्री अहिल्यानगर, सौ. शालिनीताई विखे पाटील, मा. जिल्हा परिषद अध्यक्ष, संस्थेचे मुख्य कार्यकारी अधिकारी मा. खासदार डॉ सुजय विखे पाटील, सचिव डॉ पांडुरंग गायकवाड, संचालक (तंत्र), प्रा. सुनील कल्हापुरे, संचालक (मेडिकल), डॉ अभिजित दिवटे, प्राचार्य डॉ. प्रताप पवार आणि सर्व शिक्षक व शिक्षकेतर वृंदांनी त्यांचे अभिनंदन करून त्यांना पुढील वाटचालीस शुभेच्छा दिल्या आहेत.