BurhanNagar | आ शिवाजी कर्डीलेच्या हस्ते तुळजापूर देवी पालखीचे बुऱ्हाणनगरला पूजन

 BurhanNagar | गावातून पालखी मिरवणूक संपन्न,यात्रेला हजारो भाविकांची उपस्थिती

  

   

BurhanNagar |  नगर : दर्शक । 

तुळजापूरला  नवरात्रोत्सवात दसऱ्याला सीमोल्लंघनाचा ज्या पालखीत देवीला नेले जाते ती तुळजाभवानी देवीच्या मानाच्या पालखीचे आगमन  बुऱ्हाणनगर येथील अंबिका तुळजाभवानी देवी मंदिराच्या प्रांगणात उत्साहात झाले, दुपारी १२ वा  आ शिवाजी कर्डीले, युवा नेते अक्षय कर्डीले,संदीप कर्डीले,सरपंच रावसाहेब कर्डीले यांच्या हस्ते पालखीचे पूजन करण्यात आले. पालखी मिरवणुकीला सुरुवात करण्यात आली. 

यावेळी  पालखीचे मुख्य मानकरी पलंग पालखीचे मुख्य मानकरी व बुन्हाणनगर देवीचे पुजारी सुदाम जगन्नाथ  भगत,ज्ञानेश्वर गोकुळ भगत,शिवराम उत्तम भगत,संतोष मधुकर भगत,देविदास भिमराव भगत,सागर  बाळासाहेब भगत,दिपकप्रभाकर  भगत,मंगेश शिवाजी भगत,वसंत गणपत भगत,निलेश बद्रीनाथ  भगत आदींसह ग्रामस्थ व हजारो भाविक उपस्थित होते.

 

           पालखीच्या देवी मंदिरास ५ प्रदक्षिणा झाल्यावर पालखीची बुऱ्हाणनगर गावातून वाजत गाजत देवीच्या जयघोषात मिरवणूक काढण्यात आली भक्तिपूर्ण वातावरणात ही मानाची पालखी वाजत गाजत व गुलालाची उधळण करत ग्रामस्थांनी काढली होती . दर्शनास आलेल्या हजारो भाविकांनी आई राजा उदो उदो,सदानंदीचा उदो उदो चा जयघोष केला. यावेळी हजारो भाविक उपस्थित होते.बुऱ्हाणनगर गावत पालखीचे स्वागत करण्यासाठी सर्व घरासमोर आकर्षक रांगोळ्या रेखाटून घरोघरी पालखीची भक्तिभावाने पूजा करण्यात आली.तत्पूर्वी तिसऱ्या माळेनिमित्त सकाळी  देवीची विधिवत महापूजा पुजारी भगत परिवाराने केली.

 

       पालखी मिरवणूक व  यात्रेनिमित्त गावात मोठा पोलीस बंदोबस्त तैनात होता.कुलस्वामिनी तुळजाभवानी देवीच्या पालखीचा मान गेल्या एक हजाराहून अधिक वर्षांपासून बुऱ्हाणनगर च्या भगत परिवाराकडे आहे.श्री क्षेत्र तुळजापूर येथे विजयादशमीला तुळजाभवानी देवीचे सीमोल्लंघन नगरहून गेलेल्या याच पालखीमधून दरवर्षी होत असते. 

             भाविकांना पालखीचे दर्शन घेता यावे,यासाठी आमदार शिवाजी कर्डिले यांनी पालखीची मिरवणूक ट्रॅक्टरमधून काढली.यावेळी भाविकांनी पालखीचे स्वागत केले.यावेळी आमदार कर्डिले यांच्यासह भाजप युवा मोर्चाचे जिल्हाध्यक्ष अक्षय कर्डिले यांनी भाविकांचे स्वागत केले.बुन्हाणनगर,कापुरवाडी,वारूळवाडी,नागरदेवळे येथील सरपंचांनी आमदार शिवाजी कर्डीले यांच्या नेतृत्वाखाली बैठक घेऊन पालखी ट्रॅक्टरमध्ये ठेऊन गावात मिरवणूक काढण्याचे नियोजन करण्यात आले होते.नवरात्र उत्सवात नागरिकांची गैरसोय होऊ नये यासाठी ग्रामपंचायतीनेही स्वच्छता मोहीम हाती घेतली आहे.भाविकांसाठी पाण्याची सोय, औषधोपचाराची व्यवस्था केली. मंदिर परिसराभोवती लहान मुलांसाठी खेळण्याची दुकाने, खाऊगल्ली, सौंदर्य प्रसाधने असे मोठ्या प्रमाणात दुकाने थाटली आहेत.