Asaduddin Owaisi | खासदार असदुद्दीन ओवेसी यांनी बांगलादेशातील हिंदूंच्या सुरक्षेवर प्रश्न उपस्थित केला

 Asaduddin Owaisi | खासदार असदुद्दीन ओवेसी यांनी बांगलादेशातील हिंदूंच्या सुरक्षेवर प्रश्न उपस्थित केला 

नवी दिल्ली : 

एआयएमआयएम खासदार असदुद्दीन ओवेसी यांनी बांगलादेशातील हिंदूंच्या सुरक्षेवर आणि परराष्ट्र धोरणाशी संबंधित इतर मुद्द्यांवर प्रश्न उपस्थित करत प्रश्नांची सरबत्ती केली. बांगलादेशातील हिंदूंच्या सुरक्षेबाबत लोकसभेत विचारण्यात आलेल्या प्रश्नाला उत्तर देताना परराष्ट्र मंत्री जयशंकर म्हणाले की, तेथे अल्पसंख्याकांविरुद्ध हिंसाचाराच्या अनेक घटना घडल्या आहेत. या घटनांकडे आम्ही लक्ष घातले आहे. 

नुकतेच आमचे परराष्ट्र सचिव ढाक्याला गेले. तेथील बैठकीतही या मुद्द्यावर चर्चा झाली. आम्हाला आशा आहे की बांगलादेश अल्पसंख्याकांच्या संरक्षणासाठी पुरेशी पावले उचलेल. लोकसभेच्या कामकाजा दरम्यान, एआयएमआयएम खासदार असदुद्दीन ओवेसी यांनी बांगलादेशातील हिंदूंच्या सुरक्षेवर आणि परराष्ट्र धोरणाशी संबंधित इतर मुद्द्यांवर प्रश्न उपस्थित केले.

याशिवाय म्यानमारच्या मुद्द्यावर विचारण्यात आलेल्या प्रश्नाला उत्तर देताना परराष्ट्र मंत्री म्हणाले की, भारत सरकार म्यानमारसोबत केलेल्या ओपन रेजिम पॉलिसीचा आढावा घेत आहे. या धोरणांतर्गत लोकांना सीमा ओलांडण्याची परवानगी आहे. मात्र, भारताने सध्या त्यावर बंदी घातली आहे.

परराष्ट्र सचिव विक्रम मिसरी यांनी बुधवारी संसदीय स्थायी समितीला सांगितले की, बांगलादेशच्या अंतरिम सरकारवर टीका करणाऱ्या शेख हसीना यांच्या वक्तव्यांना भारत समर्थन देत नाही. हसीनाच्या या विधानांमुळे दोन्ही देशांमधील संबंध बिघडत आहेत. परराष्ट्र सचिव म्हणाले की, भारताचे बांगलादेशसोबतचे संबंध कोणत्याही एका पक्षापुरते मर्यादित नाहीत. हे दोन्ही देशांच्या नागरिकांवर आधारित आहेत. मिसरी म्हणाले की, हसीना त्यांचे म्हणणे देण्यासाठी वैयक्तिक उपकरण वापरत होती. भारताने त्यांना कोणतेही उपकरण दिलेले नाही. भारत सरकार हसीना यांना अशी कोणतीही सुविधा देत नाही, ज्याद्वारे त्या राजकीय हालचाली करू शकतील. 

#WATCH | Responding to a question by AIMIM MP Asaduddin Owaisi in the Lok Sabha, EAM Dr S Jaishankar said "......With regard to the treatment of minorities in Bangladesh, it has been a source of concern. There have been multiple incidents of attacks on them. We have drawn our… pic.twitter.com/xi5G5ds2N1

— ANI (@ANI) December 13, 2024